Parlamenti Studentor i Universitetit “Haxhi Zeka” ka njoftuar organizimin e një proteste paqësore më 10 prill në orën 12:00 në Sheshin e Qytetit të Pejës. Kjo iniciativë vjen si reagim ndaj fyerjeve, kërcënimeve dhe gjuhës së urrejtjes ndaj ish-komandantit të UÇK-së në Dukagjin, Ramush Haradinaj. Studentët theksojnë se deformimi i historisë së Republikës së Kosovës dhe sulmet verbale ndaj figurave të luftës çlirimtare janë të papranueshme dhe dëmtojnë kujtesën kolektive dhe dinjitetin e shoqërisë. Ata bëjnë thirrje që qytetarët, studentët, profesorët dhe të rinjtë të bashkohen në këtë protestë për të mbrojtur të vërtetën historike dhe për të kundërshtuar çdo përpjekje për shtrembërimin e historisë së Kosovës.