Komuna e Drenasit ka njoftuar për fillimin e procedurave të aplikimit për subvencionimin e nënave lehona me nga 100 euro për secilën lindje. Përfitimi mund të kërkohet brenda një viti nga data e lindjes së fëmijës, duke paraqitur formularin e aplikimit dhe dokumentacionin përkatës, siç janë dokumentet e identifikimit të prindërve, ekstrakti i të porsalindurit dhe certifikata e bashkësisë familjare.