Zyra Kombëtare e Auditimit ka zbuluar shkelje serioze në menaxhimin e subvencioneve nga Komuna e Pejës, e udhëhequr nga Gazmend Muhaxhiri. Në disa raste, mijëra euro janë ndarë për Organizata Jo-Qeveritare dhe individë pa dorëzuar raportet financiare dhe dëshmitë e nevojshme ligjore për përdorimin e tyre. Auditori ka vënë në dukje mungesën e monitorimit dhe përgjegjësive të qarta nga ana e komunës, duke e bërë të pamundur verifikimin e shpenzimeve dhe rritur rrezikun e keqpërdorimit të parasë publike. Si pasojë, është kërkuar nga kryetari i komunës që të sigurojë monitorim të rreptë dhe përmbushje të plotë të kërkesave ligjore për çdo subvencion të dhënë.