Platforma qytetare “Liria Ka Emër” ka vendosur në Suharekë “Orën e Pritjes”, e cila nis numërimin mbrapsht drejt datës 16 shtator, në pritje të drejtësisë dhe lirisë për ish-krerët e UÇK-së: Hashim Thaçi, Kadri Veseli, Jakup Krasniqi dhe Rexhep Selimi. Në aktivitet morën pjesë përfaqësues nga “Liria Ka Emër”, kryetari i Suharekës Bali Muharremaj, si dhe aktivistë, përfaqësues politikë dhe qytetarë të shumtë. Gjatë ngjarjes u shpalos një baner gjigant me mesazhin “Në emër të popullit, shpalleni TË PAFAJSHËM!”, duke përcjellë një mesazh të fuqishëm për drejtësi dhe kthim në atdhe të ish-krerëve. Aktivitetet e platformës do të vazhdojnë me Marshin për Liri më 12 shtator në Prishtinë, ku qytetarët ftohen të bashkohen për të mbështetur kauzën e UÇK-së dhe luftën e saj të drejtë.