Bashkimi Evropian dhe Banka Botërore kanë prezantuar një pyetësor rajonal për drejtësinë, i cili thekson rëndësinë e sundimit të ligjit dhe funksionimit efikas të gjyqësorit në Ballkanin Perëndimor, përfshirë Kosovën. Ky pyetësor analizon perceptimet e qytetarëve, bizneseve, gjyqtarëve, prokurorëve dhe avokatëve, duke ofruar të dhëna për nivelin e kënaqshmërisë, efikasitetin dhe pavarësinë e sistemit të drejtësisë. Përparimi në këto fusha është thelbësor për procesin integrues evropian të Kosovës, ku negociatat për anëtarësim varen drejtpërdrejt nga reforma në gjyqësor dhe sundimi i ligjit. Pas zgjedhjeve të ardhshme, pritet formimi i institucioneve që do të vazhdojnë reformat në frymën e kompromisit për të avancuar integrimin në Bashkimin Evropian.