Ministri i Punëve të Brendshme të Kosovës, Xhelal Sveçla, mori pjesë në takimin ministror në kuadër të Procesit Aqaba në Jordaninë Hashemite, ku u diskutua lidhja mes krimit të organizuar dhe terrorizmit si një kërcënim serioz për sigurinë globale dhe rajonale. Ai theksoi se Kosova ka përjetuar drejtpërdrejt këtë lidhje, duke përmendur sulmin terrorist në Banjskë dhe atë në kanalin Ibër–Lepenc si shembuj të përdorimit të rrjeteve kriminale për destabilizim politik. Sveçla vlerësoi punën e institucioneve të sigurisë së Kosovës, të cilat kanë rikthyer kontrollin shtetëror në veri dhe kanë goditur grupet kriminale dhe strukturat ilegale, duke goditur burimet financiare të tyre përmes zbulimit të laboratorëve të drogës, armëve ilegale dhe financimeve të dyshimta. Ai gjithashtu theksoi rolin aktiv të Kosovës në sigurinë globale përmes operacioneve ndërkombëtare si “Qielli i Thyer” dhe shprehu falënderimet për mikpritjen dhe bashkëpunimin në këtë forum ndërkombëtar.