Besnik Tahiri, shefi i Grupit Parlamentar të AAK-së, akuzon Lëvizjen Vetëvendosje dhe kryeministrin Albin Kurti se po përpiqen të instalojnë një sistem autoritar në Kosovë duke synuar të marrin edhe postin e presidentit. Sipas Tahirit, LVV-ja, me vetëm 66 vota, ka propozuar një kandidat partiak për president në mënyrë që të kontrollojë tri pushtetet kryesore: Presidencën, Kuvendin dhe Qeverinë. Ai thekson se kjo situatë nuk është demokratike, pasi për zgjedhjen e presidentit kërkohen 80 vota dhe se kandidati duhet të përfaqësojë unitetin e popullit, gjë që sipas tij nuk po ndodh. Tahiri i bën thirrje Vetëvendosjes të reflektojë gjatë periudhës së ardhshme 34 ditore për të gjetur një zgjidhje që respekton pluralizmin dhe demokracinë në Kosovë.