Ministri i Mbrojtjes së Shqipërisë, Ermal Nufi, u takua në Bruksel me kryetarin e Komitetit Ushtarak të NATO-s, Giuseppe Cavo Dragone, për të forcuar dialogun strategjik dhe bashkëpunimin mes Shqipërisë dhe Aleancës në çdo nivel. Gjatë takimit, u diskutua rëndësia e Kosovës dhe roli i KFOR-it në garantimin e stabilitetit dhe paqes në rajon. Po ashtu, u theksua rëndësia strategjike e Korridorit VIII dhe zhvillimit të Porto Romanos, si projekte me ndikim kombëtar dhe rajonal, që do të mbështeten më tej nga NATO. Shqipëria konfirmoi përkushtimin e saj për të avancuar rolin në NATO, duke kontribuar në paqen, sigurinë dhe stabilitetin në Ballkan dhe më gjerë.