Kryetari i Lidhjes Demokratike të Kosovës, Lumir Abdixhiku, priti ambasadorin e ri të Bashkimit Evropian në Kosovë, Dirk Schübel, ku e uroi për fillimin e mandatit dhe falënderoi BE-në për mbështetjen e vazhdueshme ndaj Kosovës. Gjatë takimit u diskutuan zhvillimet politike të fundit, me fokus të veçantë te procesi i konstituimit të Kuvendit të Kosovës dhe qëndrimet e LDK-së në këtë drejtim. Abdixhiku theksoi nevojën urgjente për konstituimin sa më të shpejtë të institucioneve, që vendi të ketë funksionalitet institucional dhe të përqendrohet në prioritetet demokratike, ekonomike dhe evropiane. Po ashtu, u trajtua bashkëpunimi ndërmjet Kosovës dhe BE-së, si dhe rëndësia e avancimit të reformave dhe agjendës evropiane të vendit.