Në kuadër të vizitës së tij zyrtare në Vjenë, Zëvendësministri në detyrë i Punëve të Jashtme dhe Diasporës, Kreshnik Ahmeti, zhvilloi një takim me deputetët anëtarë të Grupit Parlamentar për marrëdheniet dypalëshe me Kosovën. Gjatë këtij takimi u diskutua për marrëdhëniet e ngushta ndërmjet dy vendeve dhe mundësitë për zgjerimin e bashkëpunimit në fusha të ndryshme. Palët theksuan rëndësinë e diplomacisë parlamentare dhe shprehën gatishmërinë për intensifikimin e kontakteve ndërmjet Kuvendit të Kosovës dhe Parlamentit të Austrisë. Ahmeti falënderoi deputetët për mbështetjen e vazhdueshme të Austrisë ndaj Kosovës, duke nënvizuar rolin e saj në avancimin e agjendës evropiane dhe ndërkombëtare të Kosovës.