Ministrja në detyrë e Drejtësisë, Donika Gërvalla, ka zhvilluar një takim me kryesuesin e ri të Këshillit Gjyqësor të Kosovës, Rrustem Thaqi, me rastin e marrjes së detyrës së tij. Gjatë takimit u theksua rëndësia e forcimit të koordinimit dhe bashkëpunimit ndërmjet institucioneve të drejtësisë për të garantuar një sistem më efikas dhe besues për qytetarët. Gërvalla nënvizoi se avancimi i reformave në drejtësi dhe forcimi i kapaciteteve institucionale janë thelbësore për zbatimin e qëndrueshëm të sundimit të ligjit në Kosovë. Ajo dhe zëvendësministri Nimoni i uruan Thaqit sukses në detyrën e re, duke theksuar se bashkëpunimi institucional mbetet një nga shtyllat kryesore për një drejtësi funksionale dhe të besueshme.