Të premten pasdite, kryeministri në detyrë i Kosovës, Albin Kurti, priti në një takim të paparalajmëruar përfaqësuesin special të Bashkimit Evropian për dialogun Kosovë-Serbi, Peter Sorensen. Në këtë takim me dyer të mbyllura u diskutua kërkesa e gjyqtarëve dhe prokurorëve serbë që kishin dhënë dorëheqje për t’u rikthyer në punë, pas katër vjetësh mungese. Kurti theksoi se është i hapur për përfshirjen e serbëve në institucionet gjyqësore, por kundërshton rikthimin automatik të tyre, duke kërkuar respektimin e Kushtetutës dhe ligjeve të Kosovës.