Zëvendëskryeministri dhe ministri në detyrë i Punëve të Jashtme dhe Diasporës, Glauk Konjufca, zhvilloi një takim me Christian Wiermer, sekretar i Shtetit për Çështje Evropiane dhe Ndërkombëtare të landit federal Nordrhein-Westfalen në Gjermani. Gjatë bisedimeve u përqendrua vëmendja te marrëdhëniet ndërmjet Kosovës dhe këtij landi, si dhe perspektiva evropiane e Kosovës. Një rëndësi e veçantë iu kushtua diasporës kosovare në Nordrhein-Westfalen, e cila konsiderohet si një urë lidhëse mes dy vendeve dhe një faktor kyç në forcimin e bashkëpunimit. Palët theksuan nevojën për të vazhduar dhe zgjeruar bashkëpunimin në këtë drejtim, duke theksuar rolin e diasporës në procesin e integrimit evropian të Kosovës.