Kryeministri i Kosovës, Albin Kurti, zhvilloi një takim me Ambasadorin e Francës në Kosovë, Olivier Guérot. Gjatë takimit, ambasadori Guérot e uroi Kurtin për përvjetorin e Pavarësisë së Kosovës dhe për mandatin e ri qeverisës, duke theksuar rëndësinë e forcimit të marrëdhënieve dypalëshe ndërmjet dy vendeve. Kryeministri Kurti prezantoi prioritetet e qeverisë së tij, duke përfshirë investimet në infrastrukturë strategjike, përkushtimin për paqe dhe siguri, si dhe angazhimin për integrim në strukturat euro-atlantike. Ai gjithashtu falënderoi ambasadorin për mbështetjen e vazhdueshme të Francës ndaj Kosovës dhe bashkëpunimin e deritanishëm.