Kryeministri i Kosovës, Albin Kurti, priti në takim Ambasadorin Gerard McGurk, Shefin e Misionit të OSBE-së në Kosovë, i cili e uroi për mandatin e ri qeverisës dhe shprehu gatishmërinë për vazhdimin e bashkëpunimit të ngushtë ndërmjet OSBE-së dhe institucioneve kosovare. Gjatë takimit u diskutuan zhvillimet aktuale politike dhe institucionale në vend, me theks të veçantë në avancimin e reformave demokratike dhe nevojën për bashkëpunim të vazhdueshëm në fushën e të drejtave të komuniteteve dhe sundimit të ligjit. Kryeministri Kurti falënderoi Ambasadorin McGurk dhe Misionin e OSBE-së për mbështetjen e tyre të vazhdueshme dhe për kontributin në forcimin e institucioneve demokratike në Kosovë. Ky takim nënvizon rëndësinë e bashkëpunimit ndërkombëtar për stabilitetin dhe zhvillimin demokratik të vendit.