Anu Prattipati, e ngarkuara me punë në Ambasadën amerikane në Prishtinë, zhvilloi një takim me ministrin e Shëndetësisë, Arben Vitia, ku diskutuan për modernizimin dhe qëndrueshmërinë e sistemit shëndetësor në Kosovë. Gjatë takimit u përmendën përpjekjet për të krijuar një sistem shëndetësor më efikas dhe të qëndrueshëm, si dhe rëndësia e zgjerimit të bashkëpunimit ndërmjet institucioneve. U theksua nevoja për nxitjen e inovacionit dhe investimeve në sektorin shëndetësor, si dhe përmirësimin e qasjes në produkte cilësore për qytetarët. Ky takim është pjesë e një serie takimesh që Prattipati po zhvillon me ministrat e rinj të kabinetit Kurti 3 për të forcuar bashkëpunimin dhe për të avancuar reformat në sektorë kyç.