Ambasadori i Shqipërisë në Kosovë, Petrit Malaj, zhvilloi një takim me shefin e Misionit të OSBE-së në Kosovë, ambasadorin Gerard McGurk, në zyrat e këtij misioni. Gjatë bisedimeve u vlerësua roli i OSBE-së në forcimin e sundimit të ligjit, mbrojtjen e të drejtave të njeriut, si dhe promovimin e bashkëjetesës dhe integrimit të qytetarëve të Kosovës. U diskutuan gjithashtu mundësitë për thellimin e bashkëpunimit dhe zhvillimin e projekteve të përbashkëta mes Misionit të OSBE-së, përfaqësive të vendeve anëtare dhe institucioneve lokale. Ky takim synon të forcojë mbështetjen ndaj institucioneve dhe të sjellë përfitime konkrete për qytetarët e Kosovës.