Zëvendëskryeministri i parë dhe Ministri i Punëve të Jashtme dhe Diasporës në detyrë, Glauk Konjufca, priti Ambasadorin Kevin Hamilton, Përfaqësues Special të Sekretarit të Përgjithshëm të NATO-s për Kaukazin dhe Azinë Qendrore, në vizitën e tij të parë në Kosovë pas marrjes së detyrës. Gjatë takimit u diskutua për partneritetin strategjik mes Kosovës dhe NATO-s, si dhe për progresin e Forcës së Sigurisë së Kosovës në vitet e fundit. Ambasadori Hamilton riafirmoi mbështetjen e NATO-s për thellimin e bashkëpunimit në fushën e sigurisë dhe integrimit euro-atlantik. Ky takim shënon një hap të rëndësishëm në forcimin e marrëdhënieve dhe bashkëpunimit strategjik ndërmjet Kosovës dhe aleancës ushtarake.