Ministri për Punë, Familje dhe Vlerat e Luftës Çlirimtare, Andin Hoti, priti në takim Avokatin e Popullit, Naim Qelaj, për të diskutuar çështjet që lidhen me fushëveprimin e Ministrisë dhe mbrojtjen e të drejtave të qytetarëve. Gjatë takimit u shkëmbyen pikëpamje mbi çështjet që Institucioni i Avokatit të Popullit ka trajtuar dhe vazhdon të trajtojë, të cilat bien në kompetencat e Ministrisë. Ministri Hoti theksoi gatishmërinë për bashkëpunim të ngushtë me Avokatin e Popullit, duke vlerësuar rolin e tij në forcimin e sundimit të ligjit dhe llogaridhënies institucionale. Ky takim nënvizon rëndësinë e bashkëpunimit institucional për mbrojtjen e të drejtave dhe lirive themelore të qytetarëve.