Kryeministri në detyrë Albin Kurti dhe kryetari i LDK-së, Lumir Abdixhiku, u takuan mbrëmë në një përpjekje për të arritur një marrëveshje politike që do të konsolidojë institucionet e vendit. Megjithatë, takimi nuk solli ndonjë rezultat konkret apo marrëveshje të arritur. Deputeti i zgjedhur i LDK-së, Avdullah Hoti, njoftoi se grupi parlamentar i partisë do të informohet së shpejti për përmbajtjen e bisedimeve. Ai theksoi se fillimisht do të dëgjojnë se çfarë është diskutuar dhe më pas do të vendosin hapat e mëtejshëm.