Kryeministri i Kosovës, Albin Kurti, priti ambasadorin e ri të Bashkimit Evropian në vend, Dirk Schuebel, në takimin e tyre të parë zyrtar. Gjatë bisedës u theksua rëndësia e stabilitetit afatgjatë politik dhe institucional për të mundësuar angazhimin efektiv të Kosovës me BE-në dhe përfitimin nga Plani i Rritjes dhe fondet e IPA-s. Kurti shprehu gatishmërinë për bashkëpunim të ngushtë dhe theksoi përkushtimin e Kosovës ndaj procesit të anëtarësimit në BE, duke u bazuar në merita dhe duke ndarë vlerat dhe vizionin e BE-së. Në takim u diskutua gjithashtu rëndësia e një Kuvendi funksional për avancimin e reformave ligjore dhe u përmendën zhvillimet ekonomike dhe programet qeveritare që synojnë rritjen e mirëqenies dhe punësimit.