U.d. e presidentes së Republikës së Kosovës, Albulena Haxhiu, priti në takim lamtumirës ambasadorin e Turqisë në Kosovë, Sabri Tunç Angili, me rastin e përfundimit të mandatit të tij. Gjatë takimit, Haxhiu falënderoi ambasadorin për bashkëpunimin e ngushtë dhe kontributin në forcimin e marrëdhënieve ndërmjet dy vendeve. Ajo vlerësoi rolin e tij si një partner të përkushtuar dhe bashkëbisedues të hapur në avancimin e bashkëpunimit dypalësh në fusha me interes të përbashkët. Në përfundim, u.d. e presidentes i uroi ambasadorit suksese në angazhimet e tij të ardhshme, duke shprehur besimin se miqësia dhe partneriteti mes Kosovës dhe Turqisë do të vazhdojnë të thellohen.