Zëvendëskryeministri i Parë dhe Ministri në detyrë i Punëve të Jashtme dhe Diasporës, Glauk Konjufca, ka pritur në takim lamtumirës ambasadorin francez Olivier Guérot, duke e falënderuar për përkushtimin dhe bashkëpunimin gjatë mandatit të tij në Kosovë. Konjufca ka vlerësuar rolin e Francës si një partner i rëndësishëm dhe mik i Kosovës, duke theksuar mbështetjen e saj në proceset e shtetndërtimit, integrimit evropian dhe fuqizimit ndërkombëtar të vendit. Në këtë takim u shpreh edhe dëshira për të vazhduar thellimin e bashkëpunimit në fusha me interes të përbashkët, duke synuar forcimin e marrëdhënieve mes dy vendeve. Në përmbyllje, ambasadorit Guérot i uroi suksese në angazhimet e tij të ardhshme, duke theksuar përkushtimin e Kosovës për bashkëpunim të vazhdueshëm me Francën.