Zëvendëskryeministri i Parë dhe Ministri i Punëve të Jashtme dhe Diasporës në detyrë, Glauk Konjufca, priti në takim lamtumirës shefen në detyrë të Zyrës së Bashkimit Evropian në Kosovë, Eva Palatova. Gjatë takimit u shpreh falënderimi për angazhimin dhe bashkëpunimin e Palatovës në forcimin e dialogut ndërmjet Kosovës dhe BE-së. U theksua rëndësia e avancimit të procesit të integrimit evropian të Kosovës dhe vazhdimit të bashkëpunimit në fusha me interes të përbashkët. Konjufca i uroi Palatovës suksese në angazhimet e saj të ardhshme, duke shprehur shpresën për një bashkëpunim të frytshëm edhe në të ardhmen.