Ish-zëvendëskryeministri Haki Abazi ka zbuluar detaje për takimin e tij në vitin 2021 me personin e njohur si “Lule Xheli” në Delaware, SHBA, duke theksuar se nuk kishte dijeni për lidhjet e tij me Lëvizjen Vetëvendosje. Abazi e përshkroi këtë person si një agjent që përdoret për propagandë, denigrim dhe shantazhim në shërbim të interesave të kësaj lëvizjeje politike. Ai ka dhënë dëshmi në Prokurorinë Speciale për fenomenin e përdorimit të identiteteve të fshehura dhe makinerinë që sipas tij shkatërron personalitete dhe procese që nuk përputhen me ideologjinë e Kurtit. Abazi përgëzoi Prokurorinë për veprimet e saj dhe shprehu besimin se e vërteta do të dalë në shesh, duke zbuluar më shumë identitete të fshehura që veprojnë në Evropë dhe duke sfiduar imazhin e kryeministrit Kurti.