Në Deçan, Ramush Haradinaj së bashku me kryetarin e Komunës Bashkim Ramosaj pritën admiralin George M. Wikoff, komandantin e Komandës Aleate të Forcave të Përbashkëta të NATO-s në Napoli. Gjatë takimit, u shpreh mirënjohje për angazhimin personal të admiralit dhe mbështetjen e vazhdueshme të NATO-s në ruajtjen e sigurisë dhe stabilitetit në Kosovë. Haradinaj theksoi rëndësinë e lidhjeve të forta me aleatët perëndimorë, veçanërisht Shtetet e Bashkuara dhe vendet anëtare të NATO-s, duke e quajtur lirinë e Kosovës si një vlerë të arritur së bashku me ta. Ai përsëriti se anëtarësimi i menjëhershëm i Kosovës në NATO do të jetë kyç për përmbylljen e sigurisë në rajon dhe stabilitetin afatgjatë.