Në një zhvillim të papritur dhe të mbajtur në konfidencialitet të plotë, ish-presidentja Vjosa Osmani është takuar me delegatë të Lidhjes Demokratike të Kosovës që kërkojnë shkarkimin e kryetarit të partisë, Lumir Abdixhiku. Takimi ka nisur në orën 17:00 në lokalin “Kopshti” në Fushë Kosovë, në një pjesë të izoluar dhe me masa të rrepta sigurie për të parandaluar çdo fotografim apo incizim. Organizatorët kanë siguruar që hyrja të jetë e pamundur për qytetarë apo klientë të tjerë, ndërsa menaxhmenti i lokalit ka njoftuar se kjo zonë do të jetë e zënë për të paktën dy orë. Ky takim ngre dyshime për lëvizje të reja dhe rirreshtime brenda LDK-së, duke krijuar një situatë të tensionuar në skenën politike.