Kryetari i Aleancës, Ardian Gjini, ka pritur në zyrat e partisë ambasadoren e Izraelit në Kosovë, Tamara Ziv, ku u zhvillua një bashkëbisedim i ngrohtë dhe miqësor. Diskutimet u fokusuan në zhvillimet aktuale në Kosovë dhe mundësitë për intensifikimin e bashkëpunimit dypalësh. Gjini vlerësoi marrëdhëniet me Izraelin si të rëndësisë së veçantë dhe strategjike për vendin, duke falënderuar për mbështetjen e vazhdueshme. Ai theksoi dëshirën për thellimin e partneritetit në fusha me interes të përbashkët, duke nënvizuar rëndësinë e këtij dialogu për të ardhmen e bashkëpunimit ndërmjet dy shteteve.