Aleanca për Ardhmërinë e Kosovës (AAK) ka pritur në selinë e saj kryetarin e Bashkimit Demokratik për Integrim (BDI), Ali Ahmeti, në një takim të cilin e kanë cilësuar si vëllazëror. Në takim morën pjesë nënkryetarët e AAK-së, Ardian Gjini dhe Besnik Tahiri, si dhe anëtari i kryesisë Daut Haradinaj. Palët vlerësuan lart kontributin e Ahmetit në proceset politike të shqiptarëve në Ballkan që nga vitet ’90 dhe rolin e tij në forcimin e faktorit politik shqiptar në rajon. Diskutimet u fokusuan në zhvillimet e fundit politike në Kosovë dhe rajon, me theks të veçantë në nevojën për bashkërendim dhe forcim të faktorit politik shqiptar në të gjitha hapësirat ku jeton kombi shqiptar.