Ish-kryeministri Avdullah Hoti nga Lidhja Demokratike e Kosovës ka publikuar rezultatet kryesore të një hulumtimi të NDI-së, i cili nxjerr në pah sfidat dhe dështimet e Lëvizjes Vetëvendosje gjatë gjashtë viteve të qeverisjes së saj. Sipas këtij studimi, 44% e të rinjve në moshën 18-24 vjeç po konsiderojnë largimin nga Kosova, ndërsa problemi më i madh qëndron te kostoja e lartë e jetesës, përfshirë çmimet e energjisë dhe mallrave bazë. Tri vështirësitë kryesore për familjet janë faturat e shërbimeve publike, ushqimet dhe kujdesi shëndetësor, ndërsa korrupsioni, pabarazia ekonomike dhe mungesa e llogaridhënies së politikanëve paraqiten si rreziqet kryesore për demokracinë në vend. Hoti thekson se premtimet për drejtësi sociale, eliminim të korrupsionit, shëndetësi dhe arsim cilësor, si dhe punësim e të ardhura të sigurta, kanë rezultuar mashtrime elektorale të LVV-së.