Deputetja e Aleancës, Time Kadrijaj, ka paralajmëruar mundësinë e organizimit të protestave nëse nuk konstituohet Kuvendi dhe nuk formohet Qeveria. Ajo kritikoi ashpër kryeministrin Kurti dhe Lëvizjen Vetëvendosje për interpretimin e tyre të Kushtetutës dhe vendimeve të Gjykatës Kushtetuese, duke thënë se po i bëjnë sipas qejfit të tyre. Kadrijaj theksoi se data për formimin e institucioneve po llogaritet në mënyrë të diskutueshme, duke u bazuar në fillimin e konstituimit. Në rast se situata nuk zgjidhet, ajo nuk përjashtoi daljen në rrugë si formë presioni politik.