Përfaqësuesi i Serbisë, Petar Petkoviq, i ka shprehur shqetësim të thellë Përfaqësuesit Special të BE-së, Peter Sorensen, lidhur me deklaratën e BE-së se janë plotësuar kushtet për hapjen e urës mbi lumin Ibër. Ai ka theksuar se situata aktuale e sigurisë në veri të Kosovës nuk e lejon hapjen e urës, pasi kjo do të rrisë ndjenjën e pasigurisë tek komuniteti serb dhe mund të shkaktojë tensione të reja në zonë. Petkoviq ka kërkuar që hapja të bëhet vetëm pasi të zbatohen plotësisht marrëveshjet e dialogut dhe të sigurohet një vlerësim i qëndrueshëm i sigurisë. Bashkimi Evropian ka theksuar rëndësinë e marrjes parasysh të interesave të të gjitha komuniteteve dhe nevojën për koordinim dhe konsultime efektive pas zgjedhjeve lokale në veri.