Deputetja e Aleancës për Ardhmërinë e Kosovës, Time Kadrijaj, ka akuzuar kryetarin e Lëvizjes Vetëvendosje, Albin Kurti, për imponim të agjendës politike në procesin e konstituimit të Kuvendit të Kosovës. Ajo paralajmëron se nëse seanca konstituive nuk mbahet brenda afateve të përcaktuara nga Gjykata Kushtetuese, do të ketë pasoja juridike për shkak të shkeljes së Kushtetutës. Kadrijaj thekson se vonesat dhe mosorganizimi i seancës mund të çojnë në zgjedhje të reja dhe i bën thirrje Kurtit të bëjë kompromis për të avancuar procesin. Ndërkohë, negociatat për zgjedhjen e presidentit vazhdojnë, ndërsa figura e Ramush Haradinajt përmendet si një opsion që do t’i bënte nder shtetit të Kosovës.