Presidenti i Serbisë, Aleksandar Vuçiq, pret përgjigje nga Sekretari i Përgjithshëm i NATO-s, Mark Rutte, lidhur me situatën në Kosovë dhe hapjen e Urës së Ibrit për qarkullimin e automjeteve. Ai ka kërkuar ndërhyrjen e KFOR-it për të ndaluar, siç e quan ai, "terrorin ndaj serbëve" dhe ka paralajmëruar presion shtesë ndaj komunitetit serb para zgjedhjeve. Vuçiq akuzon kryeministrin e Kosovës, Albin Kurti, dhe atë kroat, Andrej Plenkoviq, për mbështetje të kundërshtarëve të tij politikë në Serbi. Ndërkaq, NATO njofton se ka nisur një tranzicion gradual të pranisë së KFOR-it në zonën e urës, duke theksuar se ky proces po zhvillohet me transparencë dhe në përputhje me përmirësimin e situatës së sigurisë në Kosovë.