Kryetari i Organizatës së Veteranëve të Ushtrisë Çlirimtare të Kosovës, Hysni Gucati, ka bërë thirrje që ish-bashkëluftëtarët të shmangin kalimin nëpër Serbi pas publikimit të emrave të pjesëtarëve të Brigadës 111 “Adem Jashari” dhe Brigadës 121 “Kumanova” nga lëvizja serbe “Zemra e Heronjve”. Kjo lëvizje ka kërkuar nga autoritetet serbe dhe Interpoli verifikimin e emrave dhe urdhërarreste ndërkombëtare ndaj pjesëtarëve të UÇK-së, ndërsa listat janë dërguar edhe në disa vende të Bashkimit Evropian për veprime të mëtejshme.