Kreu i Bashkësisë Islame të Kosovës, Naim Tërnava, ka shprehur shqetësim për thirrjet e fundit për konvertime në Kosovë, të cilat sipas tij po minojnë tolerancën dhe harmoninë ndërfetare që ekziston prej dy dekadash. Ai ka theksuar se këto thirrje, të maskuara si shprehje e lirisë dhe demokracisë, në fakt përbëjnë thirrje për urrejtje dhe janë pjesë e skenarëve të huaj që synojnë të krijojnë përçarje në kombin shqiptar. Tërnava i ka cilësuar këto veprime si krim dhe ka bërë apel për ruajtjen e bashkëjetesës ndërfetare si një virtyt hyjnor dhe domosdoshmëri shoqërore. Deklaratat u bënë gjatë tryezës “Bashkëjetesa ndërfetare ndër ne, virtyt hyjnor apo domosdoshmëri shoqërore”, organizuar nga Fondacioni “Drita” me mbështetjen e BIK-ut.