Sot në Kuvendin e Kosovës do të zhvillohen tetë mbledhje të komisioneve parlamentare, ku do të trajtohen çështje nga fusha e drejtësisë, sigurisë, ekonomisë, arsimit dhe mjedisit. Komisioni për Legjislacion do të shqyrtojë në parim Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme dhe do të intervistojë kandidatët për Këshillin Gjyqësor të Kosovës. Komisioni për Punë të Jashtme do të shqyrtojë marrëveshjen për anëtarësimin e Kosovës në Bordin e Paqes, ndërsa Komisioni për Siguri do të diskutojë dërgimin e Forcës së Sigurisë së Kosovës në një mision ndërkombëtar në Gaza. Gjithashtu, komisionet e tjera do të trajtojnë ligje për mbrojtjen e konsumatorit, energjinë, provimin e maturës shtetërore, përzgjedhjen e anëtarëve në borde si RTK dhe KPM, si dhe projektligje për menaxhimin e ujërave dhe banimin social.