Deputetja Teuta Haxhiu, e zgjedhur nga radhët e Aleancës, ka shprehur falënderimet e saj për mbështetjen e qytetarëve pas rikthimit në Kuvendin e Kosovës. Përmes një postimi në Facebook, ajo theksoi se fitorja nuk është e saj personale, por e popullit që besoi dhe mbështeti rrugëtimin e përbashkët politik. Haxhiu premtoi se do të jetë gjithmonë pranë qytetarëve, duke dëgjuar hallet dhe zërin e tyre për t’i përfaqësuar me përkushtim, ndershmëri dhe transparencë në Kuvend. Ajo e konsideron këtë mundësi si një bekim nga Zoti dhe një përgjegjësi të madhe për të shërbyer komunitetin.