Ish-presidenti i Kosovës, Hashim Thaçi, në një intervistë për gazetën gjermane FAZ është pyetur nëse do ta këshillonte Partinë Demokratike të Kosovës (PDK) të bashkëpunonte me Vetëvendosjen (VV) e Albin Kurtit për të kapërcyer bllokimin politik në vend. Ai ka theksuar se prioriteti i tij aktual është procesi gjyqësor që po kalon, por ka shtuar se interesat e qytetarëve duhet të vendosen gjithmonë mbi ato partiake. Thaçi ka dhënë këtë përgjigje nga Haga, ku po pret vendimin e Gjykatës Speciale për akuzat e krimeve të luftës. Ai nuk ka dhënë një përgjigje të drejtpërdrejtë për bashkëpunimin mes PDK-së dhe VV-së, por ka theksuar rëndësinë e vendosjes së interesave publike mbi ato politike.