Drejtori i përgjithshëm i Policisë së Kosovës, Gazmend Hoxha, së bashku me stafin e lartë menaxhues, priti një delegacion të nivelit të lartë nga Sllovenia, i udhëhequr nga ambasadori Borut Blaj. Gjatë takimit u diskutua thellimi i bashkëpunimit ndërinstitucional në fushën e sigurisë, me fokus në shkëmbimin e përvojave profesionale dhe forcimin e koordinimit ndërmjet institucioneve relevante. Palët vlerësuan lart bashkëpunimin e deritanishëm dhe shprehën gatishmërinë për vazhdimin e mbështetjes dhe partneritetit në fusha me interes të përbashkët. Ky bashkëpunim synon zhvillimin e kapaciteteve policore në përputhje me standardet evropiane, duke përmirësuar sigurinë në rajon.