Kryesuesi i Kryesisë së Bosnje dhe Hercegovinës, Zheljko Komshiq, priti në Sarajevë ambasadorin e Kosovës në Kroaci, Martin Berishajn, dhe diplomatin Mentor Tahiri për të diskutuar thellimin e bashkëpunimit dypalësh. Gjatë takimit u theksua rëndësia e dialogut të hapur, bashkëpunimit rajonal dhe forcimit të marrëdhënieve në funksion të stabilitetit dhe zhvillimit të qëndrueshëm. Ky takim erdhi pas një operacioni humanitar dhe logjistik të Kosovës për riatdhesimin e shtetasve boshnjakë nga Riadi nëpërmjet Prishtinës. Ambasada e Kosovës njoftoi se ka gatishmëri për të avancuar bashkëpunimin në fusha të ndryshme mes dy vendeve.