Deputeti i zgjedhur i Partisë Demokratike të Kosovës, Artan Behrami, ka reaguar fuqishëm pas caktimit të datës 16 shtator për shpalljen e aktgjykimit në Dhomat e Specializuara në Hagë ndaj ish-krerëve të UÇK-së. Ai e ka cilësuar këtë gjykatë si një “monstrum politik” dhe ka kritikuar shtetet që e financojnë, duke theksuar kohëzgjatjen e hetimeve dhe paraburgimin e gjatë të të akuzuarve. Behrami ka bërë thirrje për mobilizim dhe bllokim të Prishtinës dhe Hagës më 16 shtator, duke e lidhur këtë me pritshmërinë për vendimin e trupit gjykues. Ai ka paralajmëruar se ky moment mund të shndërrohet ose në festë për drejtësinë, ose në një protestë të pandalshme kundër padrejtësisë.