Vlora Çitaku, sekretarja e Përgjithshme e PDK-së, së bashku me anëtarë të Rinisë Demokratike të Kosovës, organizuan një aksion para ndërtesës së Qeverisë së Kosovës. Ajo i bëri thirrje kryeministrit në detyrë, Albin Kurti, që të shkojë në Kuvend dhe të hapë rrugën për rikthimin e rendit kushtetues. Çitaku e akuzoi Kurtin se po mban peng shtetin dhe institucionet për interesa politike dhe individuale. Ajo kërkoi që Kurti të mos pengojë institucionet dhe interesin e qytetarëve për shkak të kalkulimeve të tij partiake.