Protesta mbarëkombëtare e 12 shtatorit ka mbledhur mijëra qytetarë në Tiranë, të cilët marshojnë drejt Kryeministrisë me thirrje të fuqishme për dorëheqjen e Edi Ramës. Mesazhi i protestuesve është i qartë: kërkohet ndryshimi i qeverisjes dhe fundi i asaj që ata e quajnë “narko-shtet”. Në këtë tubim masiv, përveç qytetarëve vendas, është përfshirë edhe diaspora shqiptare, duke i dhënë protestës një dimension më të gjerë dhe ndërkombëtar. Protestuesit mbajnë flamuj kombëtarë dhe kërkojnë arrestimin e kryeministrit dhe ministres Belinda Balluku, duke akuzuar qeverinë për mbrojtje të krimit.