Avokati Tomë Gashi ka reaguar me kritika ndaj deklaratave të deputetes Adriana Matoshi lidhur me presidenten Vjosa Osmani, duke i cilësuar ato si të papërshtatshme për t’u bërë në rrjete sociale dhe hapësira publike. Ai përdori një krahasim ironik, duke thënë se kjo situatë ngjan me “shku në një kanagjegj e me u ly me kanë, e pastaj me folë kundër nuses”. Gashi theksoi se deklarata të tilla nuk janë serioze dhe nuk duhet të trajtohen në debate publike apo para mediave, duke i quajtur ato “muhabet për kafe”. Ky reagim u shpreh gjatë emisionit Kosova Live në T7, ku avokati kritikoi ashpër mënyrën e komunikimit publik të deputetes Matoshi.