Sekretari i Përgjithshëm i Aleancës, Avni Arifi, ka njoftuar se partia ndodhet në një fazë të rëndësishme të reformimit dhe transformimit. Ai theksoi se tani Aleanca ka një kryesi të re dhe një ekip drejtues që përbëhet nga figura të njohura brenda partisë, por që më parë nuk kanë pasur funksione drejtuese. Procesi po zhvillohet me sukses, duke përfshirë edhe individë të rinj nga nivele të ndryshme, dhe po mbështetet në strukturat ekzistuese. Arifi shtoi se ky transformim është një frymë e re ekipore dhe një hap përpara, që shumëkush më parë e kishte konsideruar të pamundur.