Kryetari i komunës së Prishtinës, Përparim Rama, ka zhvilluar një takim me tregtarët e kryeqytetit për të prezantuar projektin e transformimit të Tregut të Gjelbër. Gjatë takimit, ai ndau me ta idetë dhe pritjet për krijimin e një hapësire moderne dhe funksionale që do të përmirësojë kushtet e punës dhe do të fuqizojë ekonominë lokale. Rama theksoi rëndësinë e bashkëpunimit me tregtarët, të cilët janë pjesë aktive e zhvillimit të kësaj hapësire çdo ditë. Ky projekt synon të sjellë një ndryshim të dukshëm në mënyrën se si funksionon dhe perceptohet Tregu i Gjelbër në Prishtinë.