Drejtoresha ekzekutive e Lëvizjes FOL, Mexhide Demolli-Nimani, ka theksuar se niveli i transparencës institucionale në Kosovë mbetet shumë larg pritjeve, pavarësisht premtimeve për “transparencë radikale” nga qeveria aktuale. Ajo shpjegon se qytetarët dhe shoqëria civile përballen me vështirësi të mëdha për të marrë qasje në dokumente publike, ku shpeshherë kërkohen ankesa në Agjencinë për Informim dhe Privatësi (AIP), e cila për shkak të kapaciteteve të kufizuara nuk arrin të trajtojë kërkesat në kohë të shkurtër.