Anëtari i Këshillit të Përgjithshëm të Lidhjes Demokratike të Kosovës, Xhavit Ukaj, i ka bërë thirrje kryetarit të partisë, Lumir Abdixhiku, dhe kryesisë që në listën e kandidatëve për deputetë për zgjedhjet e ardhshme të përfshihet fillimisht ish-ministri dhe ish-deputeti Agim Veliu. Ukaj e konsideron këtë hap si pjesë të një procesi të bashkimit të së djathtës brenda LDK-së, ku prioritet duhet t’i jepet rikthimit të figurave të rëndësishme të partisë.