Komandanti i KFOR-it, Ozkan Ulutash, organizoi një takim me shefat e misioneve diplomatike të vendeve të huaja në Kosovë në nder të 27-vjetorit të Çlirimit të Kosovës. Gjatë këtij takimi u kujtua intervenimi jetësor i NATO-s në vitin 1999, që ndaloi një katastrofë humanitare dhe nderuan ata që kanë shërbyer dhe humbur jetën për sigurinë në rajon. Ambasada britanike theksoi angazhimin e vazhdueshëm për mbështetjen e dialogut të lehtësuar nga BE-ja, me synim një zgjidhje të qëndrueshme politike në dobi të të gjithë qytetarëve të Kosovës dhe rajonit. Në takim morën pjesë ambasadorët e Francës, Gjermanisë, Italisë, Mbretërisë së Bashkuar, SHBA-së dhe Bashkimit Evropian, duke theksuar rëndësinë e bashkëpunimit ndërkombëtar për paqen dhe stabilitetin.